Tereza Meı Ulybrıtanııanyń premer-mınıstri qyzmetinde qaldy
LONDON. QazAqparat - Premer-mınıstr Tereza Meı Soltústik Irlandııanyń Demokratııalyq ıýnıonıstik partııasymen birge koalıtsııalyq úkimet qurý úshin Ulybrıtanııa patshaıymy II Elızavetanyń ruqsatyn aldy, dep habarlaıdy «QazAqparat» HAA menshikti tilshisi.
«Endi men anyqtylyqty qamtamasyz etetin jáne qıyn-qystaý ýaqytta Brıtanııany alǵa jeteleıtin úkimet quramyn», - dedi Meı Daýnıng-Strıttegi rezıdentsııada sóılegen sózinde.
Sondaı-aq, ol buryn josparlanǵandaı, Ulybrıtanııanyń EO quramynan shyǵý týraly kelissózderi 19 maýsymnan bastap júrgiziletinin tilge tıek etti.
Bul degenimiz Meı parlament saılaýynda birneshe oryn joǵaltqanyna qaramastan, premer-mınıstr laýazymyn saqtap qalyp, óziniń mınıstrler kabınetin quratynyn bildiredi.
