Tereza Meı opat bolǵan jaǵdaıǵa arnap qupııa hat jazady
ASTANA. QazAqparat - Bıleýshi konservatorııalyq partııanyń jetekshisi atanǵan Ulybrıtanııa ІІM basshysy Tereza Meı sársenbi kúni Birikken Koroldiktiń premer-mınıstri laýazymyna taǵaıyndaldy. Sáıkesinshe, ol ıadrolyq shabýyl jáne úkimettiń qyrylýy jaǵdaıynda ashylatyn qupııa hat jazýy tıis. Bul rásim brıtandyq mınıstrler kabınetiniń jańa basshysy oryndaýǵa tıis hattamanyń bir bóligi bolyp tabylady, dep jazady TASS.
Meı hanym «Sońǵy úmit hatynyń» tórt danasyn óz qolymen jazady. Olar konvertke salynyp, mórmen bekitilip, ıadrolyq oqtumsyǵy bar Trident ballıstıkalyq zymyranymen qarýlanǵan tórt sýasty qaıyqtarynyń komandırlerine jiberiledi. Premer-mınıstrdiń hattary ortalyq áskerı súńgýir qaıyqtardy basqarý beketterinde eki seıfte saqtalady.
Qujattardyń mátini eshqashan halyqqa jarııalanbaıdy. Úkimet basshysynyń ketýimen hattar joıylýy tıis. Hatta apatty jaǵdaıda jasalatyn tórt nusqanyń biri jazylady: keri ıadrolyq shabýyl jasaý nemese bas tartý, óz betimen áskerı sheshim qabyldaý nemese odaqtas memlekettiń qolbasshylyǵyna kóshý.
59 jastaǵy Tereza Meı dúısenbi kúni Konservatorlyq partııanyń jetekshisi atandy. Bul orynǵa talasqan onyń jalǵyz qarsylasy (energetıka jáne klımattyń ózgerý máseleleri mınıstriniń orynbasary Andrea Lıdsom) saılaý naqanynan ketetinin málimdegen edi.
