Tereza Meı BUU ókilderin qulıelenýshilikpen kúreske shaqyrdy
ASTANA. QazAqparat - Ulybrıtanııanyń Premer-Mınıstri Tereza Meı halyqaralyq qaýymdastyq ókilderin qazirgi zamanǵy qulıelenýshilikpen belsendi kúresýge shaqyrdy. Ol taratqan málimetter boıynsha, álemde 45 mıllıon adam qul ıelenýge árekettenýshilerdiń qurbanyna aınalǵan, dep jazady ria.ru.
«Búkil álem boıynsha 45 mıllıon adam shekten shyqqan qatygezdik pen qataldyqqa tózip keledi. Sol sebepti men quldyqpen kúreske baǵyttalǵan halyqaralyq deńgeıdegi áreketterdi belsendi júrgizýge bel býyp otyrmyn»,-dedi Tereza Meı BUU Bas assambleıasynyń alańynda sóılegen sózinde.
Onyń sózderin Brıtanııa Úkimeti keltirip otyr.
Tereza Meı bul baǵyttaǵy jumystar boıynsha halyqaralyq deńgeıde tıimdi yqpaldasyp, zań talaptaryn qataıtyp, adam tasymalymen kúresti kúsheıtip, qulıelenýshilerden zardap shekkenderge qoldaý kórsetý mańyzdy ekendigin eskertti.
Ulybrıtanııa sonymen qatar, qulıelenýshilik erekshe órship turǵan aımaqtarda onymen kúresti talapqa saı júrgizý úshin 33 mıllıon fýnt sterlıng bólmek. Bul qarjynyń kem degende 5 mıllıon fýnt sterlıngi Nıgerııaǵa jiberiledi.
Brıtanııada osy másele boıynsha Premer-Mınıstrdiń basqarýymen úkimet deńgeıinde arnaıy komıssııa da quryldy.
