Tereza Meı Brexit baǵytyn ózgertti
NUR-SULTAN. QazAqparat - Ulybrıtanııanyń premer mınıstri Tereza Meı 12 sáýir kúni Breksıt ýaqytyn taǵy da sozýǵa tyrysatynyn aıtty. Voxbasylymynyń jazýynsha, ol oppozıtsııalyq Leıborıster partııasymen birigip jumys isteıtinin habarlaǵan.
«Men oppozıtsııa basshysymen kelisip, eki taraptyń da kóńilinen shyǵatyn sheshim tabýǵa tyrysamyn. Sol arqyly Eýropa Odaǵynan kelisimmen shyǵýǵa tyrysamyz», - dedi Tereza Meı. Premer-mınıstr Breksıt ýaqytyn 22 mamyrǵa deıin shegerýdi suraıtynyn aıtty.
Sarapshylardyń aıtýynsha, Tereza Meıdiń bul málimdemesi Breksıt strategııasynyń ózgergenin kórsetedi. Degenmen, bul sheshim máselege qalaı áser etetini áli belgisiz.
