Tereńkól aýylynda dene shynyqtyrý jáne saýyqtyrý kesheni ashyldy
ASTANA. QazAqparat - Pavlodar oblysyndaǵy Tereńkól aýylynda dene shynyqtyrý jáne saýyqtyrý kesheni saltanatty túrde ashyldy. Oǵan oblys ákimi Bolat Baqaýov, sport ardagerleri, ortalyqta erkin kúres, fýtbol úıirmelerine qatysatyn balalar men aýyl turǵyndary qatysty, dep habarlaıdy pavlodarnews.kz.
«Qashyr aýdany sporttyq dástúrimen, jetistikterimen joǵary nátıjege jetken», - dedi Bolat Baqaýov.
«Velosport, ásirese hokkeıdiń alar orny erekshe, oblys kólemine úlgi bolarlyq. Jas urpaqty sportqa baýlý úshin barlyq jaǵdaı jasalý kerek. Memleket basshysy 2020 jylǵa deıin sportpen úzdiksiz aınalysatyn turǵyndar úlesin 30 paıyzǵa jetkizý jóninde tapsyrma bergen. Búgingi kúni bizdiń oblysta sportty serik etkenderdiń sany 39,5 paıyz. Tapsyrmany oryndadyq! Búgingi Tereńkóldegi keshendi qosqanda 28 sporttyq nysan iske qosylyp otyr».
Oblys ákimi óńir turǵyndaryn jańa nysannyń qoldanysqa berilýimen quttyqtap, qajetti sporttyq qural-jabdyqtar alýǵa 1 mln teńgeniń sertıfıkatyn tabystady.
Jańa sport kesheniniń jalpy quny - 215 mln teńge. Nysanǵa jasandy tósenishi bar fýtbol alańy, úlken kúres zaly kiredi. Qurlysty «Portal PV» JShS aı ishinde aıaqtady.
«Osyndaı iri sport kesheniniń ashylǵanyna qýanyshtymyz», - deıdi sport sheberligine úmitker Aızara Beısenbaı.
«Buryńǵy jattyǵatyn orynymyz tar, qolaısyz boldy. Endi barlyq jaǵdaı jasalǵan úlken zalda shynyǵamyz. Osy jerden el chempıony bolyp shyǵý úshin barynsha tyrysamyz».
Sport keshenniniń janynda oryn tepken fýtbol alańyndaǵy alǵashqy match Kashyr men Jelezın aýdandary quramalary arasynda ótti. Joldastyq kezdesýge ýspendik fýtbolshylar da keldi.
Aıta keteıik, fýtbol alańyn aınala jumsaq júgirý jolaǵy salynǵan.
