Tereńdigi 50 metr shatqalǵa qulap ketken avtobýstyń 18 jolaýshysy ajal qushty
ASTANA. QazAqparat - Perý astanasy Lımadan soltústikke qaraı iri apat oryn aldy, jolaýshylar mingen avtobýs shatqalǵa qulap ketip, saldarynan 18 adam ajal qushty, dep habarlaıdy perýlik RPP radıostansasy. Budan basqa, jeti adam jaralanǵan.
Qaıǵyly oqıǵa Kahatambo qalasynyń mańynda bolǵan. Tún ishinde qatty nóserden keıin taıǵaqtanǵan jolmen kele jatqan avtobýstyń júrgizýshisi róldi basqara almaı qalǵan. Saldarynan kólik tereńdigi 50 metr shatqalǵa qulap ketken. Zardap shekkender aýrýhanalarǵa jetkizilgen. Al qaza tapqandardyń denelerin alyp shyǵý jumystary biraz ýaqytqa sozylǵan.
