Terekti aýdanynda «Mektepke jol» sharasy barysynda 3,5 mln. astam teńgeniń kómegi kórsetildi
ORAL. 9 qazan. QazAqparat - 1 tamyzdan 30 qyrkúıekke deıin jalǵasqan «Mektepke jol» sharasy kezinde Terekti aýdanynda 867 oqýshyǵa 3 mln. 511 myń teńgeniń, onyń ishinde demeýshilerdiń qarjysy esebinen 618 balaǵa 2 mln. 914 myń 559 teńge kóleminde kómek kórsetildi.
Aýdandyq bilim berý bóliminen habarlaǵanyndaı, aktsııa barysynda «Aıaly alaqan» taqyrybynda kontserttik baǵdarlama uıymdastyrylyp, Aqjaıyq aýylynda mektep quraldarynyń jármeńkesi ótkizilip, onda oqýshylarǵa qajetti taýarlar tómen baǵamen satyldy.
Qaıyrymdylyq sharasy kezinde aýdanda 486 muǵalim bekitilgen ýchaske boıynsha 104 reıd júrgizip, mektep jasyndaǵy balalar men jasóspirimderdiń sanyn, áleýmettik jaǵdaıyn anyqtady. Osylaısha, tabysy az otbasy balalarynyń tizimi jasaqtalyp, barlyq aýyldyq okrýg ákimderi men kásiporyndarǵa jiberildi. Atalǵan aktsııa aldaǵy ýaqytta da jalǵasyn tappaq.
