Terekke júrektiń sýretin oıyp salǵan jigitke aıyppul salyndy

ORAL. QazAqparat – Oralda jas jigit terekke oıyp, júrektiń sýretin salǵan, dep habarlaıdy QazAqparat tilshisi.

Oqıǵa Han toǵaıynda oryn aldy.

Jigittiń qaraǵaıǵa oıyp, júrektiń sýretin salǵan áreketi áleýmettik jelide keńinen tarap, qyzý talqyǵa tústi.

BQO polıtsııa departamentiniń baspasóz qyzmeti málim etkenindeı, tabıǵatty qorǵaý polıtsııasynyń qyzmetkerleri terekti oıǵan adamdy anyqtady. Ol Oral qalasynyń 1999 jylǵy turǵyny bolyp shyqty.

Turǵynǵa QR Ákimshilik quqyqbuzýshylyq kodeksi 381-1-baby 2-bóligine (aǵashtar men butalardy zańsyz kesý, joıý nemese zaqymdaý) sáıkes 27 780 teńge kóleminde aıyppul salyndy.