Terakt týraly jalǵan aqparat bergen aqtóbelik egizder ustaldy
ASTANA. QazAqparat - Aqtóbede esirtkige elitken egizder terakti týraly jalǵan aqparat taratqan, dep habarlaıdy QazAqparat QR ІІM baspasóz qyzmetine silteme jasap.
«Aǵymdaǵy jyldyń 29 shildesinde Aqtóbe qalasynyń ІІB 102 pýltine terrorızm aktisi jaıynda qońyraý túsken. Oqıǵa ornyna jetken polıtsııa qyzmetkerleri habarlaǵan jigit pen onyń egizinen jaýap alýǵa tyrysqan. Biraq, atalǵan azamattar esirtkige elitip, eshteńe de túsindire almaǵan. Buǵan qosa, qoǵamdyq tártipti buzyp, boǵaýyz sóz aıtyp, quqyq qorǵaýshylarǵa baǵynbaǵan. Osyǵan oraı, olardyń ústinen buzaqylyq jasaǵandyqtary úshin ákimshilik quqyq buzýshylyq týraly hattama toltyrylyp, Aqtóbe qalalyq sot sheshimimen ákimshilik tutqynǵa alynǵan», - dep atap ótedi mınıstrlikten.
Vedomstvo málimetinshe, medıtsınalyq tekserý barysynda olardyń ósimdik túrindegi esirtki zatyn qoldanǵany anyqtalǵan.
«Aǵymdaǵy jyldyń 30 shildesi kúni olardy ákimshilik tutqynǵa alý úshin arnaıy qabyldaý ornyna jetkizý barysynda egizderdiń biri qashyp ketpek bolyp, Aqtóbe qalalyq ІІB-niń 2 qyzmetkerine dene jaraqatyn salǵan. Onyń ústinen QR QK 280-baby boıynsha tergeý amaldary júrgizilip jatyr. Egizderdiń áreketterin odan ary tergeý barysynda salafızmniń destrýktıvti ilimin ustaný belgileri baıqaldy», - delingen taratylǵan aqparatta.
