Terakt saldarynan Túrkııanyń keı jerlerinde Twitter buǵattaldy
ASTANA. QazAqparat - Túrkııada sot sheshimimen birneshe ınternet-provaıder Sırııamen shekaralas qaladaǵy bolǵan jarylys ornynan foto jáne vıdeomaterıaldar jarııalanǵan Twitter shaǵyn blogtaryn buǵattady, dep jazady Bı-bı-sı.
32 adamnyń ómirin qıǵan túriktiń Sýrých qalasyndaǵy jarylys dúısenbi kúni bolǵan.
Bastapqyda bılik ókilderi jarylǵysh zatty áıel adam iske qosty dep boljaǵan, alaıda túrik BAQ-tary shabýylǵa er adamnyń qatysy bar ekenin habarlady.
Sársenbi kúni belgili bolǵandaı, jarylysty 20 jastaǵy jergilikti stýdent jasaǵan. Muny DNK synamalary rastady.
Sonymen qatar sársenbi kúni Sýrých mańynda eki polıtseıdiń máıiti tabyldy. Olardy mańdaıynan atyp óltirgen.
Túrkııa bıligi aımaqtaǵy qaýipsizdik sharalaryn kúsheıtti. Olar bul árekettiń ekstremıstik uıymdar qyzmetimen baılanysy bar-joǵyn tekserip jatyr.
