Teri men jún óńdeıtin 8 ınvestıtsııalyq joba iske asyrylady
ASTANA. KAZINFORM – Teri men jún óńdeıtin 8 ınvestıtsııalyq joba iske asyrylady. Bul týraly Úkimet otyrysynda Aýyl sharýashylyǵy mınıstri Aıdarbek Saparov aıtty.
– Teri men jún óńdeý boıynsha óndiristik qýattardy kezeń-kezeńimen qalpyna keltirý jáne jańǵyrtý júrgizilýde, - dedi mınıstr.
Onyń dereginshe, 2025 jyly mynadaı iri nysandar paıdalanýǵa berildi:
– Aqtóbe qalasynda «Kazfeltek» jylyna 2,2 myń tonna jún óńdeý jobasy (5,3 mlrd teńge);
– Aqmola oblysynda «Agro Proteın» qýattylyǵy 2,4 myń tonna azyqtyq qospalar óndirý jobasy.
– Salany odan ári damytý maqsatynda 9,9 mlrd teńgege 8 ınvestıtsııalyq joba iske asyrylyp jatyr. Olar qosymsha 1,3 mln tonna óńdeý qýatyn engizedi. Osy jobalardyń qatarynda Taraz Jelatın, EKO Klab, Iskefe Holdıng jáne KazJelatın jobalary teri men janama ónimderdi tereń óńdeýge baǵyttalǵan. Olardy iske asyrý taǵamdyq jelatın men jemdik qospalar óndirisin ulǵaıtýǵa, jáne shıkizat shyǵynyn azaıtýǵa múmkindik beredi, - dedi Aıdarabek Saparov.
Aıta keteıik, elimiz álemdik kúnbaǵys maıy eksportynda 8-orynǵa kóterilip, jasymyqtan daıyn ónimdi eksportqa shyǵara bastady.