Teplovoz qaqqan aıý aman qaldy
ASTANA. QazAqparat - "Norılskıı nıkel" kompanııasy aıýdyń teplovozǵa soǵylýyna qatysty oqıǵaǵa baılanysty tergeý júrgizýde. Eger mashınıstiń kinási dáleldense, ol jumystan shyǵarylýy múmkin, dep habarlady TASS kompanııa fılıalynyń qoǵammen baılanys departamentiniń dırektory Tatıana Smırnovaǵa silteme jasap.
Ol aıýdyń aman qalǵanyn aıtty. Oqıǵa ornyna polıtsııa jáne ań aýlaýdy baqylaý mekemesiniń qyzmetkerleri shyqty. Olar jyrtqysh ańdy, qannyń izin tappaǵan.
Norılsk kólik prokýratýrasy ǵalamtorda paıda bolǵan vıdeoǵa qatysty tekseris júrgizýde. Onda poıyzdyń aıýdy qaqqany beınelengen. Bul týraly Batys-Sibir kólik prokýrorynyń aǵa kómekshisi Oksana Gorbýnova habarlady.
Aldyn ala boljam boıynsha, oqıǵa 4 jeltoqsanda shamamen túngi saǵat 2-de Golıkovo beketiniń mańyndaǵy "Norılskıı nıkel" kompanııasynyń joldarynda bolǵan.
