Teplıchnoe aýylynda bógetti nyǵaıtý jumystary kúsheıtilgen rejımde jalǵasyp jatyr
ASTANA. KAZINFORM – Qyzyljar aýdanyna qarasty Teplıchnoe aýylynda bógetti nyǵaıtý jumystary táýlik boıy, kúsheıtilgen rejımde júrgizilip jatyr. Bul týraly TJM baspasóz qyzmeti habarlady.
Jumys túngi ýaqytta da toqtamaıdy. Barlyq shara halyqtyń qaýipsizdigin qamtamasyz etýge jáne táýekelderdi azaıtýǵa baǵyttalǵan.
Ózen deńgeıine jáne gıdrotehnıkalyq qurylystardyń jaı-kúıine táýlik boıy monıtorıng júrgizilip jatyr.
— Teplıchnoe aýylynda eldi mekenniń qaýipsizdigin qamtamasyz etý úshin qorǵanys biligin nyǵaıtý boıynsha aldyn alý sharalary júrgizilip jatyr. Osy saǵatta 38 myń qapshyq tóseldi. Halyqty evakýatsııalaý úshin TJM 7 vahtovka jáne 3 avtobýsy qarastyrylǵan. Ózen deńgeıine jáne gıdrotehnıkalyq qurylystardyń jaı-kúıine táýlik boıy monıtorıng júrgizilip otyr, — delingen TJM habarlamasynda.
Aıta ketelik SQO-da Teplıchnoe eldi mekeni mańynda myńnan asa adam túni boıy jumys istegeni týraly jazǵan edik.