Teńizshevroılǵa 53 mln teńge aıyppul salyndy
ATYRAÝ. KAZINFORM — «Teńizshevroıl» JShS lastaýshy zattardyń shyǵaryndylaryn normatıvten asyrǵan. Muny 2024 jyldyń 3-4-toqsany men 2025 jyldyń esepterin tekserý barysynda ekologııa departamenti anyqtaǵan.
Atyraý oblystyq ekologııa departamentiniń málimetinshe, «Teńizshevroıl» JShS-ne qatysty Qazaqstan Respýblıkasynyń Ákimshilik quqyq buzýshylyq týraly kodeksi negizinde ákimshilik quqyq buzýshylyq týraly ister qozǵalyp, Jylyoı aýdandyq sotyna joldanǵan.
— Sottyń 2026 jylǵy 20 sáýirdegi qaýlysymen «Teńizshevroıl» JShS kináli dep tanylyp, 53, 7 mıllıon teńge aıyppul túrindegi ákimshilik jazaǵa tartyldy, — dep málimdedi ekologııa departamenti.
Buǵan deıin Atyraý munaı óńdeý zaýytyna 520 mln teńge aıyppul salynǵanyn jazǵan bolatynbyz.
Osydan buryn «Teńizshevroıl» JShS-degi apattan soń propılen óndirisi toqtaǵany belgili boldy.
