«Teńizshevroıl» JShS-degi apattan soń propılen óndirisi toqtady

ASTANA. KAZINFORM – Qazirgi ýaqytta ystyq tsırkýlıatsııa tehnologııasy boıynsha propandy degıdrleý jáne propılendi polımerleý óndiristeri «Teńizshevroıl» JShS-de bolǵan apatqa baılanysty propan tasymaly ýaqytsha toqtatylǵan. 

Atalǵan kompanııa ókilderiniń habarlaýynsha, kásiporynnyń óndiristik úderisteriniń toqtap qalý qaýpin azaıtý maqsatynda balamaly shıkizat jetkizýshilermen kelissózder júrgizilip jatyr. Osyǵan oraı, balamaly jetkizýshilerden shamamen 11 000 tonna propan alý josparlanyp otyr. 

Aıta ketsek, búginde KPI aýmaǵyndaǵy býllıtterde 3 364 tonna propan qory bar. 

Sonymen qatar kásiporynda daıyn ónimniń jetkilikti kólemi saqtalǵan, bul suranysty qanaǵattandyrýǵa jáne klıentter aldyndaǵy barlyq mindettemeni oryndaýǵa múmkindik beredi.

Eske sala keteıik, buǵan deıin Teńiz ken ornyndaǵy apattan qansha shyǵyn kelgenin jazǵan edik. 

Budan buryn 18 qańtarda Teńiz ken ornynda órt bolyp, 450-den asa jumysshy evakýatsııalanǵan edi. Al bir kúnnen keıin TShO Teńiz jáne Korolev ken oryndaryndaǵy óndiristi ýaqytsha toqtatqanyn habarlaǵan edi.

Al 26 qańtarda Teńiz ken ornynda munaı óndirý qaıta jandandy.