Teńizdegi tragedııa: rohındja bosqyndary arasyndaǵy ólim-jitim rekordtyq deńgeıge jetti
ASTANA. KAZINFORM - 2025 jyl rohındja bosqyndary úshin eń qasiretti kezeńderdiń birine aınaldy. Bengal shyǵanaǵy men Andaman teńizinde shamamen 900 adam qaza tapqan nemese iz-túzsiz joǵalǵan. Sońǵy on jylda bul sýlarda 5 myńǵa jýyq adam sýǵa ketken, dep habarlaıdy Aljazeera.
Adamdar Mıanmadan jáne Bangladeshtegi bosqyndar lagerlerinen qýdalaý, azamattyqtyń joqtyǵy jáne kedeılik saldarynan qashyp jatyr. Tek 2026 jyldyń ózinde qaýipti jolmen Malaızııa nemese Indonezııaǵa jetýge 2 800-den astam adam áreket jasaǵan.
Bosqyndardyń jartysynan astamy – áıelder men balalar. Olar jıi adam saýdasymen aınalysatyn toptardyń qurbanyna aınalady. Jýyrda Andaman teńizinde 250 adam otyrǵan shamadan tys júktelgen traýler sýǵa batyp, tek toǵyz adam ǵana aman qalǵan.
Osyǵan deıin Italııa jaǵalaýynda zańsyz ımmıgranttar mingen qaıyq aýdarylyp qalǵany týraly jazdyq.
