Teńizde munaı óndirý qalpyna keltirildi — Energetıka mınıstri
ASTANA. KAZINFORM — Teńiz ken ornynda munaı óndirý jumysy qalpyna keltirildi. Bul týraly Energetıka mınıstri Erlan Aqkenjenov málim etti.
— Teńiz munaı óndirýdi qalpyna keltirdi. Táýligine 120 myń tonnaǵa deıin óndirilip jatyr, — dedi mınıstr búgin Májilistiń jalpy otyrysynan keıin.
Sonymen qatar ol ken ornynyń jumysyn toqtaýyna sebep bolǵan órtke qatysty málimetterdiń aldaǵy ýaqytta belgili bolatynyn aıtty.
— Qazirgi ýaqytta komıssııa jumysyn aıaqtap qaldy. Taıaýda nátıjesi belgili bolady, — dedi Erlan Aqkenjenov.
Aıta keteıik, 28 qańtarda Energetıka mınıstri Erlan Aqkenjenov Teńiz ken ornynda janyp ketken transformatorlar jóndelip, munaı óndirý bir apta ishinde qalpyna keltiriletini týraly aıtqan edi.
Eske salsaq Qazaqstannyń strategııalyq nysandaryn qorǵaý kúsheıtilgen edi.