Teńizde munaı óndirý bir aptada tolyq jandanady - Aqkenjenov
ASTANA. KAZINFORM – Teńiz ken ornynda janyp ketken transformatorlar jóndelip, munaı óndirý bir apta ishinde qalpyna keltiriledi. Bul týraly Energetıka mınıstri Erlan Aqkenjenov aıtty.
- Eki kún buryn Teńizdi – Korolev ken ornyn iske qostyq. Qazirgi ýaqytta munaı óndirý kólemi artyp keledi. Sizder munyń óte kúrdeli tehnologııalyq protsess ekenin túsinýlerińiz qajet. Ken ornynda qýaty ártúrli jalpy 30 transformator ornatylǵan. Degenmen, negizinen olar 110 kılovolttyq,- dedi mınıstr Májilistiń jalpy otyrysy aıasynda BAQ ókilderiniń saýalyna oraı.
Onyń aıtýynsha, onyń úsheýi janyp ketken.
- Atalǵan transformatorlarda jumystyń bir bóligin qalpyna keltirdik. Qazir ken ornyn kezeń-kezeń iske qosý júrip jatyr. Birinshi gaz paıda boldy. Bir apta ishinde kezeń-kezeńmen Teńiz iske qosylady, - dedi Erlan Aqkenjenov.
Buǵan deıin Energetıka mınıstrligi Atyraý oblysyndaǵy ken oryndarynda óndiristik operatsııalardy qalpyna keltirý boıynsha aıtarlyqtaı ilgerileýshilik týraly habarlaǵan edi.