Teńiz kenishinde jumys istegen 30-ǵa jýyq sheteldik elden shyǵaryldy
ATYRAÝ. KAZINFORM — Jylyoı aýdanynyń Teńiz qalashyǵynda shetel azamattarynyń Qazaqstan Respýblıkasynda bolý zańdylyǵyn tekserý maqsatynda kóshi-qon qyzmeti keshendi is-sharalar júrgizdi.
Nátıjesinde 27 shetel azamaty Qazaqstan Respýblıkasynyń aýmaǵynan shyǵaryldy.
Atyraý oblystyq PD málimetinshe, olarǵa Qazaqstan Respýblıkasynyń Ákimshilik quqyq buzýshylyq týraly kodeksiniń 517-babynyń 5-bóligine sáıkes ákimshilik hattamalar toltyrylyp, materıaldar Jylyoı aýdandyq sotyna joldanǵan.
— Kóshi-qon zańnamasynyń saqtalýyn qamtamasyz etý maqsatynda shetel azamattary men olardy qabyldaýshy tulǵalar arasynda túsindirý-profılaktıkalyq jumystar júrgizildi. Olarǵa elimizde bolý talaptary men merzimderin saqtaý qajettiligi túsindirilip, zań buzýshylyqtardyń aldyn alý baǵytynda tıisti sharalar qabyldanyp jatyr, — dep málimdedi departamenttiń baspasóz qyzmeti.
Buǵan deıin Jambyl oblysynda zańsyz kóshi-qon arnasy anyqtalǵanyn jazǵan edik.
