Teńiz kenishin keńeıtý Qazaqstannyń ekonomıkalyq ósimin jedeldetedi — ADB

ASTANA.KAZINFORM — Azııa Damý Bankiniń (ADB) 2024 jylǵa deıingi Azııalyq damý boljamyna sáıkes, Teńiz ken ornyn keńeıtý jobasynyń 2025 jyly aıaqtalýy orta merzimdi perspektıvada Qazaqstan ekonomıkasynyń aıtarlyqtaı ósýine yqpal etýi tıis.

—Qazaqstannyń ósý perspektıvalary ózgerissiz qalady. 2024 jyldyń birinshi toqsanynda ekonomıka negizinen qurylys, óndiris jáne qyzmet kórsetý esebinen 3,7% — ǵa ósti. Bıylǵy jyly qurylys pen óndiris ekonomıkalyq ósýdiń negizgi draıverleri bolyp qala beredi. Úkimettiń zardap shekkenderge kómegi jáne sońǵy 30 jyldaǵy eń aýyr sý tasqynynan keıin búlingen ınfraqurylymdy qalpyna keltirý (sońǵy 80 jylda, QR Úkimetiniń derekteri boıynsha — shamamen. red.) qurylystyń turaqty ósýine yqpal etedi, — delingen Asian Development Outlook-tiń shildedegi sholýynda.

Sondaı-aq, «2025 jyldyń ekinshi toqsanynda Teńiz ken ornyn keńeıtý jobasy aıaqtalǵannan keıin taý-ken óndirisi Qazaqstannyń orta merzimdi ósýine aıtarlyqtaı úles qosady» dep boljandy.

Esterińizge sala keteıik, Azııa damý banki Qazaqstan ekonomıkasynyń 2024 jylǵa ósý boljamyn 3,8% deńgeıinde, al 2025 jylǵa 5,3% deńgeıinde saqtap qaldy.

2024 jyldyń basynan 31 mamyrǵa deıin Teńizshevroıldan (TShO) Qazaqstan ekonomıkasyna tikeleı tólemder shamamen 5,3 mlrd dollardy qurady. Buǵan deıin «Teńizshevroıl» 1,5 mıllıard dollarmen «Shevron» kompanııasynyń enshiles kompanııalary arasynda dıvıdendterdiń negizgi kózine aınalýy múmkin ekeni habarlanǵan bolatyn.