Teńiz ken ornynda ne bolyp jatyr
ATYRAÝ. KAZINFORM — Teńiz ken ornynda bolǵan jaǵdaıdan keıin gaz zaýyttyń qoldanysyndaǵy fakelde jaǵylǵan. Bul týraly Atyraý oblysy boıynsha Ekologııa departamenti basshysynyń orynbasary Erlan Esenov málimdedi.
Air.kz qosymshasynda 19 qańtar kúni saǵat 09:00-de jarııalanǵan málimetke sáıkes, aýa quramyndaǵy kúkirtsýteginiń mólsheri ruqsat etilgen deńgeıden 2,1 , al kómirtek oksıdi 1,7 ese artqan. Alaıda qazirgi ýaqytta ekologtar tekseris jumystaryn bastaǵan joq.
Erlan Esenovtiń aıtýynsha, óndiris aýmaǵy ázirge adamdar úshin tolyq qaýipsiz dep aıtýǵa bolmaıdy.
- Ónerkásiptik qaýipsizdikti qamtamasyz etý maqsatynda tehnıkalyq reglamentke sáıkes zaýyttaǵy jabdyqtardaǵy qysymdy tómendetý úshin gaz qoldanystaǵy fakelderge baǵyttalǵan. ıAǵnı, gaz fakel arqyly jaǵylǵan. Osy derek boıynsha qazirgi ýaqytta Atyraý oblysy boıynsha Ekologııa departamenti zaýytqa birqatar suraq joldap, olardyń jaýaptary qamtylǵan materıaldardy qarastyryp jatyr. Aldaǵy ýaqytta tekserý is-sharalaryn júrgizý nemese júrgizbeý máselesi sheshiledi. Tekseris júrgizilgen jaǵdaıda, kináli tulǵalardy jaýapqa tartý nemese zańnamada kózdelgen ózge de sharalardy qoldaný týraly sheshim qabyldanady. Bul jóninde qosymsha habarlanatyn bolady,-dedi Atyraý oblysy boıynsha memlekettik ekologııalyq ınspektory Erlan Esenov.
Departamenttiń málimetinshe, qazirgi tańda «Teńizshevroıl» kompanııasy transformatorlyq jabdyqtardyń jaı-kúıin tekserý jáne tehnıkalyq baǵalaý, energııa júıelerinde jóndeý-qalpyna keltirý jumystaryn júrgizý, ónerkásiptik jáne ekologııalyq qaýipsizdik júıeleriniń jumysyn tekserý, qorshaǵan ortaǵa yqtımal áser kózderin baqylaý, sondaı-aq óndiristi qaýipsiz túrde qaıta bastaýǵa obektilerdi daıyndaý boıynsha birqatar is-sharany júzege asyryp jatyr.
Búgin Energetıka vıtse-mınıstri Qaıyrhan Tutqyshbaev pen jergilikti atqarýshy organ ókilderi Teńiz ken ornyna bardy.
Vedomstvonyń habarlaýynsha, 18 qańtarda bolǵan tehnologııalyq buzýshylyqty, atap aıtqanda gaz týrbınalyq qondyrǵylarynda bolǵan aqaýdy anyqtaý úshin arnaıy komıssııa qurylǵan.
Komıssııa quramynda memlekettik energetıkalyq qadaǵalaý komıtetiniń aýmaqtyq departamenti, Atyraý oblysy ákimdiginiń, «KEGOC» jáne «Teńizshevroıl» kompanııasynyń ókilderi engen.
Munaı óndirý jumystary personal men jabdyqtardyń qaýipsizdigin qamtamasyz etý maqsatynda, qaýipsizdik protokoldaryna sáıkes ýaqytsha toqtatylǵan.
18 qańtarda Teńiz ken ornynda órt bolyp, 450-den asa jumysshy evakýatsııalandy.
Al bir kúnnen keıin TShO Teńiz jáne Korolev ken oryndaryndaǵy óndiristi ýaqytsha toqtatqanyn habarlaǵan edi.