Teńiz ken ornynda jumys isteıtinder daýys berip jatyr
ATYRAÝ.KAZINFORM — Barlyq nıet bildirgen azamattyń daýys berýine múmkindik jasaý úshin ken orny aýmaǵynda 6 orynda 8 ýaqytsha daýys berý ýchaskesi ashyldy. Qyzmetkerler ózderine yńǵaıly ýchaskeni tańdap, óndiristik protsesten qol úzbeı daýys berip jatyr.
Qazirgi ýaqytta ken ornynda bir vahtada ártúrli mamandyqtaǵy 10 myńnan astam qyzmetker eńbek etip jatyr. Teńiz ken ornynda qyzmetkerlerdi saılaý ýchaskelerine jetkizý úshin avtobýstar qatynap jatyr.
— Teńiz ken ornynda referendým ótkizý úshin barlyq qajetti jaǵdaı jasalǵan. Saılaý komıssııalarymen birlesip obekt aýmaǵynda ýaqytsha daýys berý ýchaskeleri uıymdastyryldy, sondaı-aq olarǵa yńǵaıly qoljetimdilikti qamtamasyz etý úshin qosymsha sharalar qarastyryldy. Bul qyzmetkerlerge belgilengen tártipke sáıkes daýys berýge múmkindik beredi, — dedi «Teńizshevroıl» JShS Jurtshylyqpen jáne úkimetpen baılanys bóliminiń bas menedjeri Nurmuhamed Qartabaev.
Qyzmetkerlerdiń aıtýynsha, ken ornynda daýys berýge qatysý úshin barlyq qajetti jaǵdaı jasalǵan.
— Barlyǵy óte yńǵaıly uıymdastyrylǵan, ýchaskeler jumys aımaqtaryna jaqyn ornalasqan, kólik bar. Árkim ózine qolaıly ýaqytty tańdap, erkin daýys bere alady. Úıimizden jyraqta, ıaǵnı vahtada júrsek te, oǵan qatysa alatynymyz qýantady, — dedi «Teńizshevroıl» JShS qyzmetkeri Nursultan Іzbasarov.
Buǵan deıin Serik Shápkenov jańa Konstıtýtsııany qabyldaý jónindegi referendýmda daýys bergenin jazǵan edik.