Tentek ózenindegi sý nysany 50 jyldan keıin alǵash ret jańartylady
ASTANA. KAZINFORM – Jetisý oblysynda sońǵy 50 jylda alǵash ret Tentek ózenindegi sý tartý torabyn rekonstrýktsııalaý úshin jobalaý-smetalyq qujattama ázirlenip jatyr.
— Bıyl memlekettik saraptamanyń oń qorytyndysy alynǵan soń, qurylys-montaj jumystary bastalady. Sý torabyn rekonstrýktsııalaý nysannyń tıimdiligin arttyryp, sý shyǵynyn azaıtýǵa ári 31 myń gektar aýyl sharýashylyǵy alqabyn turaqty túrde sýmen qamtamasyz etýge múmkindik beredi, — delingen Sý resýrstary jáne ırrıgatsııa mınıstrligi habarlamasynda.
Sonymen qatar Shý-Talas basseındik ınspektsııasy Jambyl oblysynyń tirek gıdrotehnıkalyq qurylystaryn tekserip jatyr.
Búgingi tańda 142 gıdrotehnıkalyq qurylystyń 73-i tekserildi. Al Soltústik Qazaqstandaǵy «Qazsýshar» fılıaly Petropavl sý torabynyń tómengi befindegi sol jaǵalaý qorshaýyn qalpyna keltirý jumystaryn júrgizip jatyr.
Aıta ketelik Sý resýrstary mınıstrligi 1,3 mln adamdy aýyz sýmen qamtý úshin 2500 shaqyrym sý qubyryn salyp jatyr.