Tennısten jasóspirimder arasyndaǵy álem chempıonatynda el quramasy kimdermen oınaıdy

ASTANA. KAZINFORM – Prosteev (Chehııa) qalasynda 14 jasqa deıingiler arasynda 4-9 tamyzda tennısten ótetin álem chempıonatynyń jerebesi tartyldy. 

Qazaqstan jasóspirimder quramasy V tobyna tústi. Qarsylastary – Germanııa, Japonııa jáne Gonkong komandalary.

Álem chempıonatynda el namysyn Ahmadı Maqanov, Haqnazar Jetkerbaı jáne Ámir Asqar qorǵaıdy. 

Ulttyq qurama kapıtany – Saǵadat Aıap. 

Germanııa jasóspirimderi 2014 jyly álem chempıonatynda úzdik shyqqan. Taǵy bir qarsylas – Japonııa quramasy 2011 jyly fınalǵa deıin jetken. Osydan-aq Qazaqstannyń ońaı topqa túspegenin ańǵarýǵa bolady.

Qazaqstandyqtar búgin bastapqy kezdesýin Germanııa quramasymen ótkizedi.

Ár toptan eki úzdik komanda shırek fınalǵa joldama alady.

Eske sala keteıik, budan buryn Astanada Prezıdent kýbogynyń jeńimpazy anyqtalǵanyn jazǵan bolatynbyz.