Tennısten jasóspirimder quramasy álem chempıonatynyń jartylaı fınalynda Germanııamen oınaıdy
NUR-SULTAN. QazAqparat – Qazaqstan jasóspirimder quramasy Prosteev qalasynda (Chehııa) 14 jasqa deıingiler arasynda ótip jatqan komandalyq álem chempıonatynyń (2022 ITF World Junior Tennis Finals) jartylaı fınalynda Germanııamen oınaıdy, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, Germanııamen match búgin elorda ýaqytymen shamamen 15.00-de bastalady.
Germanııa – óte myqty qarsylas. Onyń úsh birdeı oıynshysy 14 jasqa deıingiler arasynda Eýropa reıtıngisinde úzdik 20 tennısshiniń qataryna kiredi. Nıls Makdonald Germanııanyń birinshi raketkasy bolsa, Debýro Palomero Eýropa reıtıngisinde 14-inshi, Krıstofer Tıss 15-orynda.
Bıyl Frantsııada ótken jarystyń fınalynda Zańǵar Nurlanuly Nıls Makdonaldqa jol berdi – 6:7, 4:6. Dál sol týrnırde Krıstofer Tıss juptyq synda jeńimpaz atandy.
Ekinshi jartylaı fınalda AQSh pen Shveıtsarııa quramalary baq synaıdy.
Jartylaı fınalda jeńgender chempıondyq ataqqa, utylǵandar qola júldege talasady.
Eske sala keteıik, budan buryn Qazaqstan jasóspirimderiniń tennısten álem chempıonatynyń jartylaı fınalyna shyqqanyn jazǵan bolatynbyz.
