Tennısten jasóspirimder arasyndaǵy álem chempıonatyna kimder baratyny anyqtaldy
NUR-SULTAN. QazAqparat - Chehııanyń Prosteev qalasynda 1-6 tamyz aralyǵynda 14 jasqa deıingi tennısshiler arasynda komandalyq álem chempıonaty ótedi, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, dúnıejúzilik dodaǵa bozbalalar men qyzdar arasynda 16 komandadan qatysady.
Qazaqstan jasóspirimder quramasy mundaı deńgeıdegi jarysta alǵash ret baq synaǵaly otyr. Komanda kapıtany Sergeı Kvak el namysyn Zańǵar Nurlanuly, Damır Jalǵasbaı jáne Danıel Tazabekov qorǵaıtynyn málim etti.
Zańǵar Nurlanuly 2008 jyly 4 shildede dúnıege kelgen. Qazaqstan dodalarynda Túrkistan oblysy atynan synǵa túsip júr. Tennıspen tórt jasynan Almatyda jattyǵa bastady, alǵashqy bapkeri – Qaırat Kósherov. Qazirgi kezde Bratıslava qalasynda turyp jatyr, Domınıka Tsıbýlkova akademııasynda jattyǵady. Boıy – 175 sm, salmaǵy – 63 kg. Ońqaı, bekzendti qos qolmen oryndaıdy. Hard pen topyraq tósenishinde oınaǵandy jaqsy kóredi.
Damır Jalǵasbaı 2008 jyly 21 aqpanda týǵan. Almatyda TsSKA korttarynda ıÝrıı Karlovtyń qolastyna tórt jasynan jattyqty. Kúni búgin Alekseı Fılatovtyń basshylyǵymen Team Kazakhstan akademııasynda sheberligin shyńdap júr. Boıy – 190 sm, salmaǵy – 68 kg. Ońqaı, bekhendti qos qolmen oryndaıdy. Súıikti tósenishi – hard.
Danıel Tazabekov 2008 jyly 8 qańtarda týǵan. Alty jasynan elordadaǵy Ulttyq tennıs ortalyǵynda Vladımır Oganıannyń shákirti boldy. Qazirgi tańda Belgrad qalasynda «Starı Koshýtnıak» tennıs kesheninde Velko Barıaktarovıchtiń jetekshiligimen jattyǵady. Boıy – 175 sm, salmaǵy – 62 kg. Solaqaı, bekhendti qos qolmen oryndaıdy. Topyraq tósenishinde oınaǵandy qolaı kóredi.
Sergeı Kvak – bas bapker, Dmıtrıı Kostetskıı jalpy dene daıyndyǵy boıynsha jattyqtyrýshy, Tımýr Aqqazıev – delegatsııa basshysy, Tennıs federatsııasy Team Kazakhstan akademııasy departamentiniń dırektory.
