Tennısten Japonııamen match qazaqstandyqtar úshin sátsiz bastaldy
ASTANA. KAZINFORM — Tokıo qalasynda Bıllı Djın Kıng kýboginiń Japonııa men Qazaqstan arasynda irikteý matchy qazaqstandyqtar úshin sátsiz bastaldy.
Alǵashqy bolyp álemniń 79-raketkasy Nao Hıbıno men dúnıejúzilik reıtıngide 939-orynda turǵan Anna Danılına kortqa shyqty.
Qazaqstan quramasynyń kapıtany ıÝrıı Şýkın negizinen juptyq synǵa mamandanǵan A.Danılınaǵa senim artqanymen, ol úmit aqtalmady. Qazaqstandyq tennısshi qarsylasynan 1:6, 0:6 esebimen oısyraı jeńildi.
Buǵan deıin Japonııa quramasy Bıllı Djın Kıng kýbogynyń fınaldyq kezeńine shyǵyp kórmegen. «Úlken dýlyǵa» týrnıriniń tórt dúrkin chempıony Naomı Osaka match aldynda bıyl quramasynyń fınaldyq kezeńge shyǵatyn múmkindigi baryn málimdedi.
Endi N.Osaka men ıÝlııa Pýtıntseva kezdesedi. Sodan keıin juptyq báseke josparlanǵan.
Eske sala keteıik, budan buryn Beıbit Juqaevtyń Meksıkadaǵy jarystyń shırek fınalyna ótkenin jazǵan bolatynbyz.
