Tennısten US Open dodasy basqa qalada ótýi múmkin
NUR-SULTAN. QazAqparat - Tennısten AQSh ashyq birinshiliginiń uıymdastyrýshylary Úlken dýlyǵa dodasyn basqa qalaǵa ótkizýdi qarastyryp jatyr, dep habarlaıdy Olympic.kz.
US Open jarysy jyl saıyn dástúrli túrde Nıý-Iorkte ótedi. Qazirgi tańda elde koronavırýs jaılaǵan tusta Nıý-Iork negizgi kúres oshaǵyna aınalyp otyr.
Osyǵan baılanysty Indıan-Ýells jarys qabylaıtyn qala retinde qarastyrylýda. Qalanyń ınfraqurylymy Úlken dýlyǵa syndy aýqymy úlken jarysty qabyldaýǵa daıyn.
Aıta keterligi, US Open dodasyn 24 tamyz ben 13 qyrkúıek arasynda ótkizý josparlanǵan.
