Tennısten United Cup týrnıri: Qazaqstan quramasy Ispanııany jeńdi

ASTANA. KAZINFORM - Aýstralııanyń Sıdneı jáne Pert qalalarynda tennısten aralas komandalyq synda ótip jatqan United Cup týrnırinde Qazaqstan quramasy Ispanııadan basym tústi.

Sheshýshi, juptyq synda Elena Rybakına – Aleksandr Shevchenko ıspanııalyqtar Ivon Kavale-Reımers – Pablo Karreno-Býstamen kortqa shyqty.

Tartysty órbigen birinshi partııa taı-breıkke deıin jetip, onda qazaqstandyqtar ábjildik tanytty – 7:6 (7:4).

Ekinshi sette esep 3:3 bolǵan mezette Shevchenko – Rybakına breık jasaı aldy. Alaıda ıspanııalyqtar tarazy basyn teńestirip ketti – 4:4. Bul joly taı-breıkte Kavale-Reımers – Karreno-Býsta sátti oınady – 7:6 (7:2).

Sýper taı-breıkte qazaqstandyq dýet jeńisti julyp aldy – 10:7.

Tartysty ótken match 2 saǵat 5 mınýtqa sozyldy. 

E.Rybakına men A.Shevchenko juptyq synda sırek óner kórsetetine qaramastan, bul joly óz múmkindikterin jaqsy paıdalana bildi.

Osylaısha, Qazaqstan Ispanııany 2:1 esebimen tize búktirdi. 

Endi qazaqstandyqtar S tobynda 30 jeltoqsan kúni Grekııa quramasymen oınaıdy. Onda E.Rybakına reıtıngide 32-oryndaǵy Marııa Sakkarımen, A.Shevchenko álemniń 11-raketkasy Stefanos Tsıtsıpaspen kezdesedi.

Eske sala keteıik, budan buryn Elena Rybakınanyń el namysyn qorǵaý erekshe kóńil-kúı syılaıtyny týra aıtqanyn jazǵan bolatynbyz.

Sondaı-aq Elena Rybakına komandalyq United Cup týrnırin jeńispen bastady.