Tennısten United Cup týrnıri: Aleksandr Shevchenko álemniń 11-raketkasyn jeńdi
ASTANA. KAZINFORM - Aýstralııanyń Sıdneı jáne Pert qalalarynda tennısten aralas komandalyq synda ótip jatqan United Cup týrnırinde Qazaqstan quramasy Grekııamen betpe-bet keldi.
Kortqa alǵashqy bolyp dúnıejúzilik reıtıngide 78-orynda turǵan Aleksandr Shevchenko men álemniń 11-raketkasy Stefanos Tsıtsıpas shyqty.
Qazaqstandyq tennısshi birinshi partııany 6:4 esebimen aıaqtasa, ekinshi sette taı-breıkte jeńisti julyp aldy – 7:6 (7:0).
Bir saǵat 52 mınýtqa sozylǵan tartysty báseke barysynda A.Shevchenko 2 eıspen birge 4 breık-poınttyń teń jartysyn qur jibergen joq. S.Tsıtsıpas 7 eıs, 1 breıkpen (2 breık-poınt) kózge tústi.
Endi Elena Rybakına men Marııa Sakkarı synǵa túsedi.
Qazaqstandyqtar S tobynda alǵashqy matchta Ispanııany 2:1 esebimen jeńgen edi.
Grekııalyqtar da Ispanııa quramasyn dál osyndaı eseppen utqan bolatyn.
Eske sala keteıik, budan buryn tennısten United Cup týrnırinde Qazaqstan quramasynyń Ispanııany jeńgenin jazǵan bolatynbyz.