Tennısten Ýımbldon týrnıri: Zarına Dııas pen Mıhaıl Kýkýshkın 2-aınalymda
ASTANA. QazAqparat - Londonda tennısten ótip jatqan Ýımbldon týrnırin qazaqstandyq tennısshi, álemniń 130-ynshy raketkasy Zarına Dııas jeńispen bastady, dep habarlaıdy «QazAqparat» tilshisi.
Myscore.ru saıtynan alynǵan málimetke qaraǵanda, Zarına dúnıejúzilik reıtıngte 122-inshi satyda turǵan qytaılyq Sınıýn Handy 6:3, 6:4 esebimen utty.
Z.Dııas ekinshi aınalymda qazirgi tańda Avstralııa eliniń namysyn qorǵap júrgen orys qyzy, álemdik reıtıngte 166-ynshy orynda kele jatqan Arına Rodıonovamen kúsh synasady. Ol búgin óziniń burynǵy otandasy, álemniń 17-inshi raketkasy Anastasııa Pavlıýchenkovany asa tartysty matchta 3:6, 7:6 (8:6), 9:7 esebimen jeńdi. Demek, A.Rodıonova ońaı shaǵylatyn jańǵaq emes.
Áıelder arasyndaǵy synda Qazaqstannyń birinshi, álemniń 43-inshi raketkasy ıÝlııa Pýtıntseva keshe latvııalyq Anastasııa Sevastovaǵa ese jibergen bolatyn. Al ıAroslava Shvedova jaraqatyna baılanysty bul jarysqa qatysa almady.
Osylaısha, áıelder arasynda endi bar úmit Zarınada bolyp otyr. Ol 2014 jáne 2015 jyldary Ýımbldon týrnıriniń tórtinshi aınalymyna deıin jetken bolatyn.
Erler arasyndaǵy básekede Qazaqstannyń birinshi, álemniń 118-inshi raketkasy Mıhaıl Kýkýshkın de jarysty sátti bastady. Ol búgin dúnıejúzilik reıtıngte 92-inshi satyda turǵan japonııalyq Denıel Tarodan 4:6, 6:4, 7:6 (7:4), 6:2 esebimen basym tústi. Endi ol ekinshi aınalymda osy týrnırde 27-inshi bolyp tirkelgen germanııalyq Mısha Zverevpen kortqa shyǵady. Keshe taǵy bir qazaqstandyq Aleksandr Býblık osy týrnırdiń eki márte jeńimpazy, álemniń birinshi raketkasy, ulybrıtanııalyq Endı Marreıden 1:6, 4:6, 2:6 esebimen utylyp qalǵan bolatyn.
