Tennısten Rolan Garros týrnıriniń irikteý saıysy: Zarına Dııas fınalǵa shyqty
ORAL. QazAqparat - Qazaqstandyq tennısshi, álemdik reıtıngte 182-inshi orynda turǵan Zarına Dııas Frantsııanyń ashyq chempıonaty - Rolan Garros týrnıri irikteý saıysynyń fınalyna shyqty, dep habarlaıdy «QazAqparat» tilshisi.
www.myscore.ru saıtynan alynǵan málimetke qaraǵanda, 23 jastaǵy Zarına jartylaı fınalda slovenııalyq, álemniń 198-inshi raketkasy Polona Hertsogty 6:0, 6:3 esebimen utty. Endi ol fınaldyq matchtardyń birinde amerıkalyq Betanı Mattek-Sandspen oınaıdy. Bıyl 32 jasqa tolǵan álemniń 116-ynshy raketkasy B.Mattek-Sands - óte tájirıbeli sportshy. Eger ony jeńse, Zarına Dııas 28 mamyrda bastalatyn Rolan Garrostyń negizgi týrnırine joldama alady.
