Tennısten «Rolan Garros» týrnıri: Kýkýshkın alǵashqy aınalymnan asa almady
ASTANA. QazAqparat - «Rolan Garros» týrnırinde qazaqstandyq Mıhaıl Kýkýshkın osy týrnırdiń 31-inshi raketkasy, ıspanııalyq Albert Ramos-Vınolaspen kúsh synasty, dep habarlaıdy QazAqparat tilshisi.
Jańartylǵan reıtıngte 83-inshi orynǵa kóterilgen M.Kýkýshkın men álemniń 36-ynshy raketkasy A.Ramos-Vınolas arasyndaǵy match bastapqyda tartysty órbidi.
Birinshi partııa taı-breıkke deıin jetkenimen, onda qazaqstandyq tennısshi birde-bir upaı ala almady. Sóıtip bastapqy set 7:6 (7:0) esebimen ıspandyqtyń paıdasyna sheshildi.
Ekinshi partııada Ramos-Vınolas breık jasap, alǵa shyqty. Aqyry sol basymdylyǵyn saqtap qaldy - 6:4.
Úshinshi sette esep 1:1 bolǵannan keıin ıspanııalyq tennısshi úsh márte breıkke qol jetkizip, óziniń geımderin de qur jibermedi - 6:1.
Kezdesý 2 saǵat 9 mınýtqa sozyldy.
Osylaısha ótken jyly «Rolan Garros» týrnıriniń ekinshi aınalymyna deıin jetken M.Kýkýshkın bul joly alǵashqy kezdesýinde-aq jeńilip qaldy. ıAǵnı bul - ótken jylǵy upaılaryn qorǵaı almady degen sóz.
Eske sala keteıik, keshe ıÝ.Pýtıntseva men Z.Dııastyń «Rolan Garros» týrnırin sátti bastaǵanyn, búgin Zarınanyń ekinshi aınalymdaǵy qarsylasy anyqtalǵanyn jazǵan bolatynbyz.
