Tennısten Polshamen matchta jeńis úshin barymyzdy salamyz – ıÝrıı Polskıı
ASTANA. QazAqparat – Qazaqstan tennıs federatsııasynyń vıtse-prezıdenti ıÝrıı Polskıı komandalyq álem chempıonaty – Bıllı Djın Kıng kýboginiń fınaldyq kezeńindegi ulttyq qurama ónerine óz baǵasyn berdi, dep habarlaıdy QazAqparat tilshisi.
- ıÝrıı Fedorovıch, Qazaqstan áıelder quramasy álem chempıonaty fınaldyq kezeńiniń toptyq básekesinde alǵash ret oınady. Komanda aldyna qoıǵan mindetti oryndady ma?
- Kútpegen nátıjeler tirkeldi. Birinshi matchta kort qojaıyny – Ulybrıtanııa quramasyn uttyq. Sosyn tartysty ótken kezdesýde Ispanııaǵa jol berdik. Sonyń saldarynan sharshap qalǵan ıspanııalyqtar kelesi kúni Ulybrıtanııadan tas-talqan bolyp jeńildi. Sóıtip brıtanııalyqtar jartylaı fınalǵa joldama aldy. Ulybrıtanııa uıymdastyrýshy el retinde týrnırge arnaıy shaqyrtý aldy. Al biz irikteý saıysynda kúshti Germanııa quramasyn utyp, fınaldyq kezeńge shyqqan 12 eldiń qataryna qosyldyq. Bul – sport, aldaǵy jyly budan da myqty bolyp oralamyz.
- 2023 jylǵy álem chempıonatynyń jerebesi tartyldy. Qazaqstanǵ irikteý saıysynda Polshamen oınaıtyn boldy. Jerebe nátıjesine rızasyz ba?
- Osal qarsylas joq. Bizge álemniń birinshi raketkasy Iga Shventek bastaǵan Polsha quramasy tap boldy. Degenmen I.Shventekti Elena Rybakına jeńedi dep oılaımyn. Polshanyń ekinshi raketkasy Magda Lınett álemdik reıtıngte qazir 49-orynda tur. Oǵan qosa juptyq synda oınaıtyn tennısshileri de myqty. Árıne, biz óz elimizde óner kórsetemiz, munyń artyqshylyqtary bar. Polshamen komandalyq deńgeıde oınap kórgen joqpyz. Biraq tennısshiler ózara kezdesip júr. Túrli birlesken jıyndardy ótkizý baǵytynda Polsha tennıs federatsııasymen tyǵyz baılanystamyz. Olardyń tennısshileri bizge keledi, bizdiń sportshylar Polshaǵa barady. Matchty asyǵa kútemiz.
- Polshamen match Astana álde Almatyda óte me?
- Ulttyq qurama básekeleriniń bárin Astanadaǵy basty tennıs arenasynda ótkizip júrmiz. Ultty tennıs ortalyǵy jaǵyp tur. Onda erler jáne áıelder quramasy 18 match ótkizse, sonyń bireýinde ǵana qarsylasqa ese jiberdik. Jankúıerler de kóbirek kelip, ulttyq quramany qoldaıdy dep senemiz.
- Áńgimeńizge rahmet, tabys tileımiz.
Eske sala keteıik, budan buryn qazaqstandyq tennısshiniń Slovakııadaǵy týrnırde jeńimpaz atanǵanyn, tennısten álem chempıonatynyń irikteý satysynda Qazaqstan áıelder quramasynyń Polshamen oınaıtynyn jazǵan bolatynbyz.
Qazaqstan – Polsha matchy aldaǵy jyly 14-15 sáýir kúnderi ótedi.
