Tennısten Nur-Sultan týrnıri: taǵy eki qazaqstandyq juptyq synda shırek fınalǵa ótti
NUR-SULTAN. QazAqparat – Qazaqstandyqtar Aleksandr Nedovesov jáne Dmıtrıı Popko juptyq synda elordada ótip jatqan Forte Challenger 125 týrnıriniń shırek fınalyna shyqty, dep habarlaıdy QazAqparat tilshisi.
Aleksandr Nedovesov serbııalyq Vıktor Troıtskımen birge reseılikter ıAn Bondarevskıı – Alıbek Kochmazovpen kúsh synasty.
Qazaqstandyq-serbııalyq juptyń aıqyn basymdylyǵymen ótken báseke 6:0, 6:1 esebimen aıaqtaldy.
Dmıtrıı Popko grýzııalyq Aleksandr Metrevelımen birge qarsylastary, japonııalyq Tattsýma Ito – ulybrıtanııalyq Raıan Penıston kortqa shyqpaǵandyqtan, shırek fınalǵa
joldama aldy.
A.Nedovesov – V.Troıtskı jáne D.Popko – A.Metrevelı juptary ózara kezdesip, qaı jeńgeni jartylaı fınalǵa ótedi.
Jekeleı synda Qazaqstannan eshkim qalǵan joq. Tımofeı Skatov ekinshi aınalymda aýstrııalyq Sebastıan Ofnermen sheberlik baıqasyp, 3:6, 6:7 (4:7) esebimen jeńilip qaldy.
Sóıtip ol shırek fınalǵa óte almady.
Búgin T.Skatov fın Otto Vırtanenmen birge juptyqtsynda reseılikter Bogdan Bobrov – Evgenıı Donskoımen kortqa shyǵady.
Eske sala keteıik, budan buryn qazaqstandyq tennısshiniń juptyq synda Nur-Sultan týrnıriniń shırek fınalyna shyqqanyn, A.Býblıktiń Rotterdamda álemniń jetinshi raketkasyn utqanyn jazǵan bolatynbyz.
