Tennısten Nur-Sultan týrnıri: Popko men Nedovesov juptyq syndaǵy kezdesýlerin sátti ótkizdi
NUR-SULTAN. QazAqparat – Qazaqstandyqtar Dmıtrıı Popko men Aleksandr Nedovesov elordada ótip jatqan Forte Challenger 100 týrnırinde juptyq kezdesýlerin sátti ótkizdi, dep habarlaıdy QazAqparat tilshisi.
Aldymen grýzııalyq Aleksandr Metrevelımen jup qurǵan D.Popko kortqa shyǵyp, reseılik ıAn Bondarevskıı – chehııalyq Domınık Palanmen kezdesti.
Qazaqstandyq-grýzııalyq jup 1 saǵattan sál astam ýaqytqa sozylǵan básekede 6:3, 6:4 esebimen utty. Endi olar jartylaı fınalǵa shyǵý úshin amerıkalyqtar Natan Pasha – Maks Shnýrmen talasady.
Juptyq synda osy jarystyń 1-raketkalary bolyp tirkelgen A.Nedovesov pen ýkraınalyq Denıs Molchanov qazaqstandyqtar Saǵadat Aıap – Danıl Ozernoımen sheberlik baıqasty.
Chellendjer dodalarynda jeńiske jetip júrgen A.Nedovesov pen D.Molchanov qarsylastarynan 6:3, 6:1 esebimen basym tústi. Endi olar shırek fınalda reseılik Pavel Kotov – taıbeılik Týng-Lın Výmen kúsh synasady.
Eske sala keteıik, budan buryn Denıs Evseevtiń juptyq synda Nur-Sultan týrnıriniń shırek fınalyna shyqqanyn, al ıÝ.Pýtıntsevanyń Adelaıda dodasynda jeńilip qalǵanyn jazǵan bolatynbyz.
