Tennısten Nur-Sultan týrnıri: Denıs Evseev juptyq synda jartylaı fınalǵa shyqty
NUR-SULTAN. QazAqparat – Qazaqstandyq Denıs Evseev ózbekstandyq Denıs Istomınmen birge juptyq synda elordada ótip jatqan Forte Challenger 100 týrnıriniń jartylaı fınalyna shyqty, dep habarlaıdy QazAqparat tilshisi.
Qazaqstandyq-ózbekstandyq jup shırek fınalda kanadalyqtar Peter Polanskı – Breıden Shnýrmen kúsh synasty.
Qos Denıs birinshi partııada qarsylastaryn bet qaratpady – 6:0.
Ekinshi sette de olar 3:1 esebimen alǵa ketti. Aqyry 47 mınýtqa sozylǵan matchty jeńispen túıindedi – 6:3.
D.Istomın men D.Evseev báseke barysynda úsh breıkke qol jetkizdi. Endi olar jartylaı fınalda amerıkalyqtar Natan Pasha – Maks Shnýrmen sheberlik baıqasady.
Amerıkalyq jup shırek fınalda taǵy bir qazaqstandyq Dmıtrıı Popko men grýzııalyq Aleksandr Metrevelıdi tartysty oıynda 7:5, 7:6 (7:5) esebimen jeńip ketti.
Budan buryn osy jarystyń 1-raketkalary bolyp tirkelgen qazaqstandyq Aleksandr Nedovesov pen ýkraınalyq Denıs Molchanov qarsylastarynyń biri jaraqat alýyna baılanysty jartylaı fınalǵa ótken bolatyn. A.Nedovesov pen D.Molchanov fınalǵa shyǵý úshin germanııalyq ıÝlıan Lents – ekvadorlyq Roberto Kırospen talasady. Bul jup shırek fınalda frantsııalyq Ýgo Grene – Aleksandr Mıýllerdi tize búktirdi.
Eske sala keteıik, budan buryn D.Popko men A.Nedovesovtiń juptyq syndaǵy kezdesýlerin sátti ótkizgenin, al A.Býblıktiń Sıngapýr týrnırin jeńispen bastaǵanyn jazǵan bolatynbyz.
