Tennısten Maıamı týrnıri: ıÝlııa Pýtıntseva ekinshi jeńisine qol jetkizdi
NUR-SULTAN. QazAqparat – Qazaqstandyq, álemniń 47-raketkasy ıÝlııa Pýtıntseva Maıamı WTA 1000 týrnıriniń úshinshi aınalymyna shyqty, dep habarlaıdy QazAqparat tilshisi.
Qazaqstandyq tennısshi ekinshi kezdesýin dúnıejúzilik reıtıngte 135-orynda turǵan ýkraınalyq Lesıa Tsýrenkomen ótkizdi.
ıÝlııa Pýtıntseva 6:3, 4:6, 7:5 esebimen jeńiske jetti.
Úsh saǵatqa jýyq ýaqytqa sozylǵan tartysty báseke barysynda ıÝlııa 1 eıs jasap, 13 breık-poınttyń 8-in paıdalandy. Qarsylasy 7 breıkten (12 breık-poınt) asa almady.
Qazaqstandyq sportshy úshinshi aınalymda álemniń 6-raketkasy, ıspanııalyq Paýla Badosamen sheberlik baıqasady. Ol chehııalyq Marııa Boýzkovany 7:5, 7:5 esebimen qapy qaldyrdy.
Osylaısha júlde qory 8,3 mln AQSh dollarynan asatyn dodada jekeleı synda E.Rybakına men ıÝ.Pýtıntseva jarys jolyn jalǵastyrady.
Eske sala keteıik, budan buryn Maıamı týrnırinde Mıhaıl Kýkýshkınniń ekinshi aınalymǵa ótkenin, Devıs kýbogynda Qazaqstannyń úshinshi sebetke túskenin jazǵan bolatynbyz.
Sondaı-aq Elena Rybakına Maıamı týrnıriniń úshinshi aınalymyna shyqty.
Aleksandr Býblık te jeńispen bastady.
