Tennısten Maıamı týrnıri: ıÝlııa Pýtıntseva ekinshi aınalymǵa shyqty
NUR-SULTAN. QazAqparat – Qazaqstandyq, álemniń 47-raketkasy ıÝlııa Pýtıntseva Maıamı (AQSh) WTA 1000 týrnıriniń ekinshi aınalymyna shyqty, dep habarlaıdy QazAqparat tilshisi.
Qazaqstandyq tennısshi alǵashqy aınalymda dúnıejúzilik reıtıngte 243-orynda turǵan 18 jastaǵy germanııalyq Nastasıa-Marıana Shýnkpen kezdesti.
ıÝ.Pýtıntseva 4:6, 6:3, 6:1 esebimen jeńiske jetti. 27 jastaǵy sportshy eki saǵatqa jýyq ýaqytqa sozylǵan báseke barysynda 1 eıs jasap, 20 breık-poınttyń altaýyn sátti paıdalandy. Qarsylasy 1 eıs, 3 breıkpen (4 breık-poınt) shekteldi.
ıÝlııa úshinshi aınalymǵa shyǵý úshin álemniń 33-raketkasy, chehııalyq Marketa Vondroýshovamen talasady.
Qazaqstannyń birinshi, álemniń 18-raketkasy Elena Rybakına jarysty ekinshi aınalymnan bastaıdy.
Júlde qory 8,3 mln AQSh dollarynan asatyn iri doda 3 sáýirde márege jetedi.
Týrnırdiń ótken jylǵy chempıony, álemniń 1-raketkasy, aýstralııalyq Eshlı Bartı sporttyq jolynyń aıaqtalǵanyn málim etip, jarysqa qatysýdan bas tartty.
Eske sala keteıik, budan buryn Mıhaıl Kýkýshkınniń Maıamıde negizgi jarysqa joldama alǵanyn jazǵan bolatynbyz.
Al Dmıtrıı Popko irikteý saıystarynyń fınalynda amerıkalyq Djeffrı Djon Volftan 4:6, 4:6 esebimen utylyp, negizgi týrnırge shyǵa almaı qaldy.
