Tennısten Maıamı týrnıri: ıAroslava Shvedova ekinshi aınalymǵa óte almady
NUR-SULTAN. QazAqparat – Qazaqstandyq ıAroslava Shvedova Maıamı WTA 1000 týrnıriniń ekinshi aınalymyna shyǵa almady, dep habarlaıdy QazAqparat tilshisi.
Qazaqstan áıelder quramasynyń kapıtany irikteý saıysy jeńimpazdarynyń biri, dúnıejúzilik reıtıngte 105-orynda turǵan chehııalyq Tereza Martıntsovamen sheberlik baıqasty.
Chehııalyq sportshy birinshi partııada 6:4 esebimen basym tússe, ekinshisinde de oıyn tizginin qolynda ustady – 6:2.
Báseke 1 saǵat 23 mınýtqa sozyldy.
T.Martıntsova ekinshi aınalymda álemniń 9-raketkasy, kanadalyq Bıanka Andreeskýmen kezdesedi.
Zarına Dııas búgin ekinshi kezdesýin álemniń 12-inshi, osy dodanyń 11-raketkasy, shveıtsarııalyq Belında Benchıchpen ótkizedi.
Qazaqstannyń birinshi, álemniń 23-raketkasy Elena Rybakına erteń ekinshi aınalymda reıtıngte 64-satydaǵy estonııalyq Kaııa Kanepımen kortqa shyǵady. Taǵy bir qazaqstandyq, álemniń 28-raketkasy ıÝlııa Pýtıntsevanyń qarsylasy – reıtıngte 95-orynda turǵan serbııalyq Nına Stoıanovıch.
Erler arasynda álemniń 105-raketkasy Mıhaıl Kýkýshkın búgin reıtıngte 316-oryndaǵy ulybrıtanııalyq Djek Dreıpermen kúsh synasady. Jarysty ekinshi aınalymnan bastaıtyn Qazaqstannyń birinshi, álemniń 44-raketkasy Aleksandr Býblık reıtıngte 57-oryndaǵy serbııalyq Laslo Dereniń shamasyn baıqap kóredi.
Eske sala keteıik, budan buryn Zarına Dııastyń álemniń burynǵy birinshi raketkasyn utqanyn, qazaqstandyq juptyń Horvatııadaǵy jarystyń shırek fınalyna shyqqanyn jazǵan bolatynbyz.
