Tennısten Maıamı týrnıri: Mıhaıl Kýkýshkın úshinshi aınalymǵa shyǵa almady
NUR-SULTAN. QazAqparat – Qazaqstandyq, álemniń 159- raketkasy Mıhaıl Kýkýshkın Maıamı ATP Masters 1000 týrnıriniń úshinshi aınalymyna shyǵa almady, dep habarlaıdy QazAqparat tilshisi.
Qazaqstandyq tennısshi ekinshi aınalymda álemniń 13- raketkasy, amerıkalyq Teılor Frıtspen kúsh synasty.
Eki saǵattan astam ýaqytqa sozylǵan tartysty básekede amerıkalyq sportshy 6:3, 5:7, 6:3 esebimen jeńiske jetti.
M.Kýkýshkın eıs jasamaǵanymen, 1 breık-poınttyń paıdalana aldy. Qarsylasy 10 eıs, 3 breıkpen (11 breık-poınt) kózge tústi.
T.Frıts júlde qory 8,5 mln AQSh dollarynan asatyn dodanyń úshinshi aınalymynda taǵy bir amerıkalyq Tommı Polmen kezdesedi.
Qazaqstannyń áıelder arasynda birinshi, álemniń 18- raketkasy Elena Rybakına juptyq synda ýkraınalyq Angelına Kalınınamen birge alǵashqy aınalymda shveıtsarııalyq Belında Benchıch – horvatııalyq Ana Konıýhqa tartysty matchta 2:6, 7:6 (7:4), 7:10 esebimen jol berdi.
Sondaı-aq Anna Danılına brazılııalyq Beatrıs Haddad Maııamen birge ıspanııalyq Paýla Badosa – Belarýs ókili Arına Sobolenkodan jeńilip qaldy – 3:6, 4:6.
Eske sala keteıik, budan buryn Elena Rybakınanyń Maıamı týrnıriniń úshinshi aınalymyna shyqqanyn, ıÝlııa Pýtıntsevanyń ekinshi jeńisine qol jetkizgenin jazǵan bolatynbyz.
