Tennısten Maıamı týrnıri: Mıhaıl Kýkýshkın negizgi jarysqa joldama aldy
NUR-SULTAN. QazAqparat – Qazaqstandyq, álemniń 159-raketkasy Mıhaıl Kýkýshkın AQSh-taǵy Maıamı masters týrnırine joldama aldy, dep habarlaıdy QazAqparat tilshisi.
Qazaqstandyq tennısshi irikteý saıystarynyń fınalynda dúnıejúzilik reıtıngte 372-orynda turǵan 18 jastaǵy japonııalyq Shıntaro Mochızýkımen kezdesti.
Tartysty órbigen birinshi partııada M.Kýkýshkın taı-breıkte ábjildik tanytty - 7:6 (8:6).
Ekinshi sette qazaqstandyq sportshy 4:2 esebimen alǵa shyqty. Taǵy bir breık – 5:2. Sodan keıin matchqa dop bergende, múmkindigin múlt jibergen joq – 6:2.
Saǵat jarymnan sál astam ýaqytqa sozylǵan matchta M.Kýkýshkın 1 eıs jasap, 12 breık-poınttyń beseýin paıdalandy. Qarsylasy 1 eıs, 3 breıkten (4 breık-poınt) asa almady.
Osylaısha Mıhaıl Maıamıde 23 naýryz – 3 sáýirde ótetin negizgi týrnırge joldama aldy.
Taǵy bir qazaqstandyq, dúnıejúzilik reıtıngte 175-satydaǵy Dmıtrıı Popko irikteý saıystarynyń fınalynda álemniń 167-raketkasy, amerıkalyq Djeffrı Djon Volfpen sheberlik baıqasady.
Eske sala keteıik, budan buryn Mıhaıl Kýkýshkınniń Maıamı týrnıriniń irikteý saıysyn sátti bastaǵanyn jazǵan bolatynbyz.
Sondaı-aq Dmıtrıı Popko irikteý saıystarynyń fınalyna shyqty .
