Tennısten Maıamı týrnıri: Mıhaıl Kýkýshkın ekinshi aınalymǵa ótti
NUR-SULTAN. QazAqparat – Qazaqstandyq, álemniń 159-raketkasy Mıhaıl Kýkýshkın Maıamı ATP Masters 1000 týrnıriniń ekinshi aınalymyna shyqty, dep habarlaıdy QazAqparat tilshisi.
Negizgi jarysqa irikteý saıystarynan qosylǵan qazaqstandyq tennısshi alǵashqy aınalymda álemniń 42-raketkasy, nıderlandylyq Botık Van de Zandshýlppen kúsh synasty.
Qarsylastar buǵan deıin bir ret kezdesip, onda M.Kýkýshkın jeńgen edi.
Bul joly Mıhaıl 6:4, 6:4 esebimen basym tústi.
Bir saǵat 51 mınýtqa sozylǵan match barysynda M.Kýkýshkın eıs jasamaǵanymen, 12 breık-poınttyń úsheýin paıdalana bildi. Qarsylasy 4 eıs, 1 breıkpen (12 breık-poınt) shekteldi.
M.Kýkýshkın ekinshi aınalymda álemniń 13-raketkasy, amerıkalyq Teılor Frıtspen sheberlik baıqasady. T.Frıts jýyrda Indıan-Ýells masters týrnırinde úzdik shyqqan edi.
Maıamıde qazaqstandyqtar Aleksandr Býblık pen Andreı Golýbev juptyq synda bastapqy básekelerinde ıspanııalyq Felısıano Lopes – grekııalyq Stefanos Tsıtsıpastan 6:7 (2:7), 4:6 esebimen jeńilip qaldy.
Eske sala keteıik, budan buryn Maıamı týrnırinde ıÝlııa Pýtıntsevanyń ekinshi aınalymǵa shyqqanyn, qazaqstandyq jas tennısshiniń Eýropa reıtıngisinde 20 apta boıy kósh bastap kele jatqanyn jazǵan bolatynbyz.
