Tennısten qysqy chempıonat jeńimpazdary anyqtaldy
ASTANA. 13 qańtar. QazAqparat - Qazaqstannyń tennısten qysqy chempıonaty aıaqtaldy, dep habarlady QR Tennıs federatsııasynyń baspasóz qyzmetinen.
Chempıondyq ataqty Denıs Evseev utyp aldy. Fınalda ol Tımýr Habıbýllındi 6:1, 6:3 esebimen utty. Osyǵan deıin jartylaı fınalda Denıs Evseev Qaısar Bekımovten, al shırek fınalda Saǵadat Aıaptan, oǵan deıin Qasymbek Aqjarkenov pen Ilıa Pavlenkodan basym túsken edi.
Jekeleı básekede qyzdar arasynda Ekaterına Klıýcheva jeńiske jetti. Fınalda ol óziniń juptasyp oınaýdaǵy seriktesi Aleksandra Grınchıshınamen kezdesti. Qorytyndysy -5:7, 6:1, 6:3.
Sondaı-aq jekeleı básekedegi fınalıster Ekaterına Klıýeva men Aleksandra Grınchıshına juptasyp oınaýda da erekshelendi. Fınalda olar Anastasııa Epısheva men Ekaterına Gýbanovany jeńdi. Kezdesý qorytyndysy - 6:2, 3:6, 11:9.
Erler arasynda juptasqan oıynda Tımýr Habıbýlın men Dmıtrıı Popkonyń mereıi ústem boldy. Qorytyndy matchta olar Alekseı Kedrıýk pen Denıs Evseevti súrindirdi - 6:2, 3:6, 11:9.
Aıta keter jaıt, Astanadaǵy eresekter arasyndaǵy qysqy chempıonattan keıin birden osy jylǵy ekinshi QR týrnır-chempıonaty bastaldy. Ol 18-ge deıingi jas aralyǵynda ótedi jáne 18 qańtarǵa deıin jalǵasady.
