Tennısten QR Prezıdenti kýbogynyń syıaqy qory 125 000 AQSh dollaryna deıin ósti (FOTO)
ASTANA. QazAqparat - Astanada Ulttyq tennıs ortalyǵynda Challenger ATP jáne ITF Womens serııasynyń XVIII tennısten QR Prezıdenti kýbogy jolyndaǵy halyqaralyq týrnırdiń saltanatty ashylýy boldy.
Keshe, 25 shildede biliktilik jáne negizgi keste boıynsha birqatar kezdesýler ótken bolatyn.
«Qatysýshylardyń sany óte kóp. «Top-100» tiziminen 2 myqty tennısshi jigitter qatysýǵa nıet tanytqan. Taǵy 5 qatysýshy 200 úzdik tennısshilerdiń qatarynan. Talas óte tartysty ótetin sekildi. Qazaqstan namysyn 4 adam qorǵaıtyn bolady. Ókinishke oraı, bizdiń komandanyń birinshi raketkasy Mıhaıl Kýkýshkın jaraqatyna baılanysty qatysa almaıdy», - dep atap ótti Qazaqstan tennıs federatsııasynyń qarjylyq dırektory ıÝrıı Polskıı.
Onyń aıtýyna qaraǵanda, «SAMRUK-KAZYNA TRUST» áleýmettik jobalardy damytý qorynyń qoldaýymen QR Prezıdenti kýboginiń syıaqy qory 125 000 AQSh dollaryna deıin joǵarylatylǵan. Olardyń 100 myń dollar erler týrnırine, 25 myń dollary áıelderge úlestiriledi. Týrnır jeńimpazy shamamen 13 myń AQSh dollaryn ıemdenbek.
Aıta keteıik, byltyrǵy týrnırdiń júlde qory 100 000 AQSh dollary bolǵan edi.
Týrnır 31 shildede aıaqtalady. Bul kúnderi, sonymen qatar, «AstanaMasters12&under PresidentsCup» balalar týrnıri men áýesqoılar arasyndaǵy «AstanaOpen» jarysy ótedi.
Tennısten QR Prezıdenti kýbogy týrınıri elimizde 1991 jyldan beri ótkizilip keledi jáne Qazaqstanda eń bedeldi dodalardyń biri bolyp sanalady. 
