Tennısten QR qysqy chempıonatynyń jeńimpazdary anyqtaldy
ASTANA. QazAqparat - Tımýr Habıbýlın men Arına Talýenko tennısten Qazaqstan qysqy chempıonatynyń jeńimpazdary atandy, dep habarlady QR Tennıs federatsııasynyń baspasóz qyzmetinen.
Erler arasynda aqtyq synǵa shyqqan Tımýr Habıbýlın qarsylasy Dmıtrıı Popkodan 6:4, 6:7 esebimen basym tústi. Sondaı-aq chempıonattyń fınalynda kezdesken bul sportshylar juptyq synda da birge óner kórsetip, qarsylastary Bolat Mamyr men Pavel Petrovty 6:1, 6:2 esebimen utyp ketti.
Al áıelder arasynda úzdik shyqqan Arına Talýenko aqtyq synda Darıa Shevchenkony 3 sette 6:4, 6:7(5), 6:0 esebimen tize búktirdi. Áıelder arasyndaǵy juptyq synda Gozal Aınıtdınova men Marııa Taýkýmova fınalda qarsylastary Gúlnáz Dókeı men Jámılá Taıteliden 6:2, 6:4 esebimen basym tústi.
