Tennısten Qazaqstannyń erler quramasy Devıs kýbogy reıtınginde 9-shy orynǵa kóterildi
ALMATY. 13 shilde. QazAqparat /Erlik Erjanuly/ - Halyqaralyq tennıs federatsııasynyń derekterine qaraǵanda, Qazaqstan Devıs kýbogynyń jańartylǵan reıtınginde 9-shy oryn aldy. Shırek fınalynda Argentınaǵa oısyraı utylǵanyna qaramastan Qazaqstan 12-shi orynnan 9-shy orynǵa kóterilip otyr.
Onda Ispanııa men Serbııa óz ornyn saqtap qalsa, Chehııany 5-shi orynǵa syrǵytqan Frantsııa úzdik úshtikke enip, Argentına bir saty jyljyp 4-shi orynǵa taban tiredi. Odan keıngi oryndaǵy AQSh, Reseı, Germanııa quramalary óz ornyn saqtap qaldy. Al Qazaqstan bul joly Izraıl, Horvatııa jáne Shvetsııany basyp ozyp otyr.
