Tennısten Qazaqstannyń birinshi raketkasy álemdik reıtıngide kóterildi
NUR-SULTAN. QazAqparat – Qazaqstannyń birinshi raketkasy Aleksandr Býblık Kásipqoı tennısshiler qaýymdastyǵynyń (ATP) jańartylǵan reıtıngisinde joǵarylady, dep habarlaıdy QazAqparat tilshisi.
Qazaqstandyq tennısshi 37-den 36-orynǵa kóterildi.
Mıhaıl Kýkýshkın 160-tan 162-ge, Dmıtrıı Popko 169-dan 173-ke syrǵysa, Tımofeı Skatov 193-satyda qaldy.
Reıtıng kóshin burynǵysha serbııalyq Novak Djokovıch bastasa, reseılik Danııl Medvedev ekinshi, germanııalyq Aleksandr Zverev úshinshi orynda.
Juptyq synda Djo Selısberı (Ulybrıtanııa), Radjıv Ram (AQSh) jáne Mate Pavıch (Horvatııa) úzdik úshtikte.
Qazaqstandyq Andreı Golýbev 24-ornyn saqtap qalsa, Aleksandr Nedovesov 62-den 63-ke, A.Býblık 67-den 68-ge tómendedi.
A.Býblık búgin Monte-Karlo ATP Masters 1000 týrnırinde alǵashqy aınalymda álemniń burynǵy úshinshi raketkasy, «Úlken dýlyǵa» jarystarynyń úsh dúrkin jeńimpazy, shveıtsarııalyq Stanıslas Vavrınkamen oınaıdy.
Áıelder tennısi qaýymdastyǵy (WTA) reıtıngisinde Polsha ókili Iga Sventek kóshbasshylyq rólin saqtasa, chehııalyq Barbora Kreıchıkova jáne ıspanııalyq Paýla Badosa sáıkesinshe ekinshi jáne úshinshi satyda.
Qazaqstannyń birinshi raketkasy Elena Rybakına 18-den 19-ǵa, al ıÝlııa Pýtıntseva 46-dan 52-ge tómendedi. ıÝ.Pýtıntseva 2018 jyldan beri alǵash ret úzdik elýlikten shyǵyp qaldy. Zarına Dııas 113-orynda qaldy.
Juptyq synda chehııalyqtar Katerına Sınıakova men Barbora Kreıchıkova jáne belgııalyq Elıze Mertens alda keledi.
Qazaqstandyq Anna Danılına 21-den 20-ǵa kóterilip, óziniń úzdik kórsetkishin qaıtalasa, E.Rybakına 54-satyda keledi.
Qazaqstan áıelder quramasy 15-16 sáýirde Bıllı Djın Kıng kýbogynyń irikteý saıysynda elordada Germanııa tennısshilerimen sheshýshi kezdesýin ótkizedi.
Eske sala keteıik, budan buryn Zańǵar Nurlanulynyń Portýgalııadaǵy sýper týrnırdiń fınalısi atanǵanyn jazǵan bolatynbyz.
