Tennısten Qazaqstan jasóspirimder quramasynyń qarsylastary anyqtaldy
NUR-SULTAN. QazAqparat - Úndistannyń Nıý-Delı qalasynda 14 jasqa deıingiler arasyndaǵy álem chempıonaty Azııa/Tynyq muhıt aımaǵy toptyq saıysynyń jerebesi tartyldy, dep habarlaıdy QazAqparat tilshisi.
Qazaqstan tennıs federatsııasy málim etkenindeı, qazaqstandyq qurama D tobynda Indonezııa, Shrı-Lanka jáne Pákistan komandalarymen oınaıdy.
Erteń Qazaqstan jasóspirimder quramasy alǵashqy kezdesýin Indonezııamen ótkizedi.
Іrikteý matchtary 25-30 sáýir aralyǵynda ótedi.
Atalǵan komandalyq jarysta el namysyn Zańǵar Nurlanuly, Damır Jalǵasbaı jáne Danıel Tazabekov qorǵaıdy. Qurama kapıtany - Sergeı Kvak.
Eske sala keteıik, budan buryn ıÝlııa Pýtıntsevanyń Ystanbul týrnıriniń fınalyna shyǵa almaǵanyn jazǵan bolatynbyz.
