Tennısten Qazaqstan jasóspirimder quramasynyń qarsylastary anyqtaldy
NUR-SULTAN. QazAqparat – Úndistannyń Nıý-Delı qalasynda 14 jasqa deıingiler arasynda World Junior Tennis Competition 14&under Azııa/Tynyq muhıt aımaǵy irikteý kezeńiniń jerebesi tartyldy, dep habarlaıdy QazAqparat tilshisi.
Qazaqstan tennıs federatsııasy málim etkenindeı, qazaqstandyq qyzdar D tobynda Ózbekstan, Iran jáne Nepal quramalarymen synǵa túsedi.
Іrikteý týrnıri 18-23 sáýir aralyǵynda ótedi. Bedeldi komandalyq jarysta el namysyn Eva Korysheva (Aqtóbe), Arıana Gogýlına (Nur-Sultan) jáne Sátıma Tóregen (Almaty) qorǵaıdy.
Komanda kapıtany – Muqam Ermatov.
Eske sala keteıik, budan buryn Elena Rybakınanyń Qazaqstan tennısshileriniń tarıhı jeńiske jetkeni týraly aıtqanyn, qazaqstandyq tennısshiniń Taılandtaǵy týrnırdiń chempıony atanǵanyn jazǵan bolatynbyz.
